مثلث برمودا عبارة عن إيه؟

geomarketer13/ August 23, 2019/ Uncategorized, اسئلة جهنمية, تجلياتنا

ايه هو مثلث برامودا ؟؟ بحر من الامواج القوية ولا منطقة فيها اعاصير ولا قوة مغناطيسية عالية جدا ولا مجرد خيال! السؤال دا نقدر نصنفه من الأسئلة الجهنمية

أين يقع مثلث برمودا

مثلث برمودا هو منطقة فى المحيط الاطلنطى على مساحة مليون و 300 الف كيلو متر مربع بين فلوريدا وبرمودا وبولتريكو واعمق نقطة فى المحيط الاطلنطى اسمها خندق بورتريكو

طيب تعالو نشوف اغرب 3 حوادث حصلو فى مثلث برمودا

أغرب 3 حوادث حصلوا في مثلث برمودا

فى 5 ديسمبر 1945 اختفت 5 طيارات كانو بيقومو بمهمة تدريبية وبعد كدا طلعت طيارات تبحث عنهم فى مهمة انقاذ وكان الغريب ان طيارة منهم اختفت بكل الطاقم بتاعها .. 6 طيارات يختفو بدون اى اثر فى 24 ساعة

اختفاء مركب صيد اسمه وتش كرافت بالطاقم بتاعه والغريب انهم طلبو المساعدة من غفر السواحل ولما غفر السواحل وصل بعد 19 دقيقة بالظبط ملقاش اى اثر للمركب فص ملح وداب

سفينة اسمها USS Syclops وزنها 19 طن كان رحلتها المفروض توصل بعد 8 ايام لكن احنا لسة مستنينها من 90 سنة واخر اشارة منها كانت داخل حدود مثلث برمودا

تقريباً دا اللي بيحصل هناك

نظرية الدوامات الشريرة للعالم سندرسون

فى عالم بقى اسمه ساندرسون قال نظرية اسمها “الدوامات الشريرة” واطلق الاسم ده على اكثر من منطقة محيطية فى العالم بيتميزو بالتيارات العنيفة والمشاكل المغناطيسية والتغيرات الحرارية القوية
وقال ان اخطر منطقتين من المناطق دى هما مثلث برمودا ومنطقة اسمها بحر الشيطان على سواحل اليابان وهى منطقة برده على شكل مثلث وعلى نفس امتداد مثلث برمودا

ومن الاحداث الغريبة بردو اللى حصلت فى بحر الشيطان اختفاء 9 سفن فى سنوات قليلة جدا

الخلاصة

يعني ببساطة هو مش منطقة مسحورة
هو مكان فيه قوي طبيعية كبيرة مش صغيرة زي تغير درجات الحرارة و شدة القوة المغناطيسية اللي بتؤدي لإطراب الامواج و التأثير علي اجهزة الطيارات اللي بتعدي من عندها

لو عندك أسئلة سيبهالنا في تعليق

Share this Post

Leave a Comment

Your email address will not be published. Required fields are marked *

*
*